Diehtu plánemis
Stáhta johtalusfávlliid plánen -bálvalusas siidu lea riikkavuložiid, čanusjoavkkuid ja virgeoapmahaččaid gaskasaš eanageainnuid ja ruovdemáđijaid lágas ásahuvvon plánaid vuorrováikkuhuskanála. Lágas ásahuvvon plánat leat oppalašplána, geaidnoplána ja raŧŧeplána.
Plánema muttut
Riikkavuložis lea vejolašvuohta oažžut dieđu ja addit oaivilis plánas Stáhta johtalusfávlliid plánen bálvalusa -bokte. Bálvalus dahká vuorrováikkuhuskanála plána gárvvisteaddjiid ja riikkavuložiid gaskii plánema sierra muttuin.
Geaidno- ja raŧŧefidnuid plánema muttut:
- 1) álggahangulaheapmi
- 2) plánenmuddu
- 3) plánat oaidninláhkái
- 4) dohkkehanmeannudeamis
- 5) dohkkehuvvon
Plánafidnuid ovdáneapmi
Plánema dialoga bistá álggahangullamis plána dohkkeheami rádjai. Sáhtát jearrat fidnuin lassedieđuid ja addit máhcahaga oppa plánema áigge. Plánas vástideaddjiid oktavuođadieđut leat bálvalusas guđege plána iežas siidduin.
Álggahangulaheapmi
Álggahangulahemiin almmuhat plána álggaheamis ja plána gárvvisteaddji oažžu vuoigatvuođa dahkat plánenguovllu giddodagas plánema gáibidan eanabargguid ja – dutkamušaid. Giddodaga oamasteaddjis lea vuoigatvuohta leat báikki alde dutkamušain.
Plánenmuddu
Plánenmuttus riikkavuložat sáhttet oahpásmuvvat plánaevttohusaide. Plánii oahpásmuvvama sáhttá ordnet sierra vugiiguin, omd neahtas dahje sierra vuorrováikkuhusdilálašvuohtan.
Riikkavuložis lea vejolašvuohta háleštit plánamuttus lean plánas njuolga plána gárvvisteaddjiiguin. Stáhta johtalusfávlliid plánen -bálvalusa bokte lea vejolaš jearrat ja addit máhcahaga plánas skovi vehkiin. Jearaldagat ja kommeanttat doaimmahuvvojit njuolga plána gárvvisteaddjiide. Plána áigge ožžojuvvon máhcahat gieđahallojuvvo plánema áigge ja dat sáhttá váikkuhit plánačovdosiidda.
Máhcahatskovvi lea suomagielat, máhcahaga sáhttá addit maiddái sáddemiin šleađgapoastta prošeaktaoaivámužžii. Prošeaktaoaivámučča šleađgapoasta lea bovdehusa pdf-fiillas.
Plánat oaidninláhkái
Plánat oaidninláhkái ásaheapmi oaivvilda dan, ahte plána lea gárvvisteaddji beales gárvvis.
Go plánat leat gárvát, plána gárvvisteaddji ásaha plána oaidninláhkái. Plánaide sáhttá oahpásmuvvat Stáhta johtalusfávlliid plánen –bálvalusas ja plánain lea vejolaš dahkat muittuhusa bálvalusa bokte plána oaidninláhkáiáiggis. Muittuhusat stivrejuvvojit virgeoapmahačča registrerenkantuvrii. Plána gárvvisteaddji addá muittuhusa vuođul vástádusas plána dohkkehanmearrádusas. Seammá maiddái gielda addá vástádusas gieldda olbmuid guođđán muittuhusaide.
Muittuhusskovvi lea suomagielat, muittuhusa sáhttá guođđit maiddái sáddemiin šleađgapoastta plánemis vástideaddji virgeoapmahačča registrerenkantuvrii. Registrerenkantuvrra šleađgapoastačujuhus gávdno gulahusa pdf-fiillas.
Dohkkehanmeannudeamis
Dohkkehanmeannudeapmái sirdáseapmi oaivvilda dan, plána oaidninláhkáiáigi lea nohkan. Plána gárvvisteaddji gieđahallá oaidninláhkáiáiggi áigge boahtán muittuhusat sihke cealkámušat ja sáhttá daid vuođul rievdadit plána. Mearkkašahtti nuppástusain leat oktavuođas báliide, maidda nuppástus váikkuha. Nuppástusat oidnojit dohkkehuvvon plánas. Loahppagieđahallama maŋŋá plána gárvvisteaddji sádde plána Johtalus- ja gulahallandoaimmahat Traficom dohkkeheapmin. Dohkkeheapmái gollan áigi ii leat ovddalgihtii dieđus.
Dohkkehuvvon
Johtalus- ja gulahallandoaimmahat Traficom dahká plánas dohkkehanmeannudeapmi, man maŋŋá plána gárvvisteaddji addá mearrádusa almmolaččat diehtun gulahallama almmustettiin.
Gulahusa almmustahttimis álgá mearrádusa nuppástusohcanáigi. Johtalus- ja gulahallandoaimmahat Traficom dahkan mearrádussii sáhttá ohcat nuppástusa váidalemiin áššis hálddahusriektái. Rávvagat váidalusa dahkamii leat dohkkehanmearrádusa oktavuođas lean váiddačujuhusas. Gulahus, plána dohkkehanmearrádus ja mearrádusa ággan lean áššegirjjit dollojuvvojit almmolaččat oaidninláhkái Stáhta johtalus
Plána oažžu lága fámu, jus plánas eai leat nuppástusohcanáiggi dahkkojuvvon váidagat hálddahusriektái. Plána lea fámus njeallje jagi. Plána dohkkehanmearrádusa fámusleahkináiggi sáhttá dárbu mielde joatkit guktii, álo njeallje jagi háválassii.
Gulahussiiddut
Stáhta johtalusfávlliid plánen –bálvalusa lassin dieđut almmustahtton gulahusain ja bovdehusain vuorrováikkuhussii leat Fávledoaimmahaga, Ealáhus-, johtalus- ja birasguovddáža ja plánenguovllu gielddaid neahttasiidduin. Lassin dieđut gulahusain ja bovdehusain vuorrováikkuhussii almmustahttojuvvojit maiddái ovtta dahje máŋgga plánenguovllus almmustuvvan bláđis.
Liŋkkat plánas vástidan gulahussiidduide